Conseguiron sacala da auga case de inmediato e foi trasladada nunha planeadora ao porto máis próximo, pero xa sen vida.
Faltaban apenas uns minutos das dez desta mañá cando o 112 Galicia recibiu unha chamada de auxilio por unha percebeira que fora arrastrada por un golpe de mar. Estaba a traballar na extracción do molusco entre o Castro de Baroña e o Farito, en Porto do Son.
Por uns instantes, perdérona de vista, pero puideron sacala da auga pouco despois, cuando aínda non houbera tempo suficiente para a mobilización dos recursos de Salvamento Marítimo e do Servizo de Gardacostas de Galicia.
Nunha planeadora, foi conducida ao porto máis próximo para que recibise asistencia médica. Sen embargo, a muller xa falecera.
Moitos dos recursos activados para o seu rescate foron, finalmente, anulados, xa que nada podía facerse por salvarlle a vida. Con todo, os xestores do Centro Integrado de Atención ás Emerxencias de Galicia informaron a todos os organismos competentes, como Salvamento Marítimo, Servizo de Gardacostas de Galicia, Garda Civil, Policía Local e Urxencias Sanitarias de Galicia-061.
