O Concello de Brión decreta dous días de loito oficial polo tráxico falecemento dunha menor de idade no día de onte no noso municipio. Durante ese período (21 e 22 de maio) as bandeiras exteriores do Concello de Brión ondearán a media hasta nos edificios municipais como símbolo de loito por este suceso.
Así mesmo, o Concello de Brión convoca a todos os veciños e veciñas a gardar un minuto de silencio en sinal de dó mañá venres 22 de maio, ás 12:00 horas, na praza do Concello.
Finalmente, o Concello de Brión desexa trasladar o seu máis sentido pésame e todo o seu apoio á familia da pequena que onte perdeu a vida en Brión, así como a todas as súas amizades, ao tempo que pon á súa disposición todos os recursos municipais que precisen nestes duros momentos.
Descanse en paz.
