O alcalde de Ferrol, José Manuel Rey Varela, informou esta mañá dos datos de récord das festas de verán de Ferrol 2026, que contaron coa asistencia de 100.000 persoas. “As festas foron un éxito rotundo o que demostra que cada ano superamos o anterior”, manifestou o rexedor.
A programación festiva “estivo á altura do que merece a cidade e confirma a tendencia á alza de Ferrol en todos os ámbitos”. Rey Varela lembrou que o calendario de eventos estendeuse ao longo de todo o mes de agosto con 11 días fortes de festexos, con concertos, actividades gastronómicas, deportivas e para público infantil.
Os concertos foron os protagonistas, con diversidade de estilos musicais para poder chegar ao maior número de ferroláns e visitantes. Cómpre para algúns dos concertos celebrados, Ferrol era o único lugar no que foron gratuítos. “O obxectivo era que todos tivesemos algunha actuación que non quixeramos perder e, un ano máis, conseguímolo”, saudou o alcalde que puxo en valor non só a percepción nas rúas, senón os datos. “Os 14 concertos de artistas e orquestras rexistraron 60.000 espectadores, o que supón unha media de 4.000 persoas por concerto”, informou. En numerosas actuacións esa cifra foi superada chegando aos 5.500 asistentes, como no caso da La Noche de Cadena 100, Danny Romero, José de Rico e Henry Méndez ou Paula Koops e Leire Martínez, entre outros.
Especialmente significativo foi o espectáculo de drons e de fogos de artificio do día de San Ramón, unha noite que, xunto ás actuacións de París de Noia e La Misión, congregou a 15.000 persoas no porto da cidade.
O resto da programación festiva, con eventos como o Rallye de Ferrol, Equiocio, o campionato de bodyboard Cidade de Ferrol ou as festas infantís entre moitos outros eventos contribuíron a chegar a esa cifra récord de 100.000 asistentes ás festas.
“Estes datos son a proba de que Ferrol é agora unha das cidades galegas máis atractivas durantes as súas festas, traendo a xente doutros lugares e estas cifras non sería posibles sen os ferroláns, a quenes agradezo a súa implicación e a súa vontade de saír á rúa a desfrutar do verán e da súa cidade”, sostivo o alcalde.
TURISMO E REDES SOCIAIS
As Oficinas Municipais de Turismo de Ferrol atenderon a 3.319 persoas durante o período festivo do 21 ao 31 de agosto, ascendendo a 7.126 durante todo o mes. Este último dato inclúe a atención a 3.185 peregrinos, o que subliña o atractivo continuo do Camiño Inglés. “Os hoteis e a hostalería rexistraron cheos e igual que rexistramos un récord histórico en peregrinos, agardamos outro récord en agosto”, expresou o alcalde.
Rey Varela rematou o balance facendo referencia aos tamén excelentes datos rexistrados nos perfís oficiais do Concello en redes sociais, nos que os contidos publicados en relación coas festas superaron os dous millóns visualizacións. O espectáculo de drons e fogos artificiais foi seguido en directo a través da canle de Youtube por 6.000 espectadores.
