Con motivo da celebración da tradicional romaría de Chamorro na xornada do luns 6, o Concello de Ferrol porá de novo a disposición das persoas con discapacidade e mobilidade reducida un servizo gratuíto de autobús, que cubrirá o traxecto de subida e baixada entre a estrada xeral e a propia ermida.
O servizo estará operativo o luns, día 6, de 9.30 a 15.00 horas e de 16.30 a 20.00 horas. Cómpre lembrar que o tramo quedará pechado ao tráfico rodado dende a xornada do domingo, día 5, a mediodía, só permitindo o acceso a vehículos de residentes ou que trasladen a persoas con mobilidade reducida.
