O alcalde de Ferrol, José Manuel Rey Varela, informou que a Xunta de Goberno local aprobou o proxecto básico e de execución de instalacións portátiles para a praia de Doniños, cun investimento de 141.738,50 euros.
“Queremos acabar co feísmo nas nosas praias”, afirmou o rexedor, explicando que o obxectivo do Goberno local é avanzar cara á homoxeneización destas instalacións mediante construcións modulares desmontables, adaptadas ás necesidades e características físicas de cada areal.
A primeira destas casetas instalarase en Doniños e o prazo previsto para a execución dos módulos será de dous meses.
SISTEMA MODULAR
A nova infraestrutura estará composta por módulos independentes e conectables entre si para dar resposta ás necesidades do servizo. Así contará con sete módulos: dúas unidades para o servizo de socorrismo, dúas unidades para aseos- un deles adaptado-, dúas unidades de vestiarios con duchas- incluíndo unha ducha adaptada- e tres unidades de rampla.
Rey Varela destacou que “todos os módulos contarán con iluminación e ventilación natural sen necesidade de recurrir a sistemas artificiais, garantindo en todo caso a privacidade das personas usuarias”.
A instalación será dunha sola planta, accedendo a ela a través do módulo auxiliar de rampla diseñado para tal función. A construción se resolve cunha estrutura principal desenrolada por un entramado lixeiro de aceiro galvanizado que se combina con pórticos e vigas de madeira aserrada, o sistema de peches e acabados realízase mediante paneis de madeira, viroc, color vermello e madeira maciza de pino.
A cuberta é de chapa de aceiro galvanizado e chapa minionda de policarbonato dispostas a unha auga para dotar de iluminación natural. A propia transparencia do elemento permite iluminar de forma natural as estancias dos aseos e duchas, sen necesidade de recorrer a iluminación artificial.
O período solicitado para a instalación destas infraestruturas abrangue as tempadas de 2026 a 2029. Cada tempada estenderase desde o inicio da Semana Santa ata o 31 de outubro, procedéndose posteriormente ao desmontaxe das instalacións.
O Goberno local prevé que este modelo de unidades portátiles poida implantarse progresivamente noutras praias do municipio, como Caranza, A Graña, San Felipe, Cariño, Doniños-Penencia, San Xurxo, Esmelle, Fragata-Praia do Vilar, Santa Comba e Ponzos-Sartaña, adaptando a súa distribución ás necesidades de cada momento.
A empresa encargada do servizo de limpeza encargarase a partir do día 5 de xuño da instalación das casetas provisionais para a prestación deste servizo.
SEIS BANDEIRAS AZUIS
O alcalde lembrou que Ferrol contará este ano con seis bandeiras azuis, “sumamos no 2026 unha bandeira máis, distintivo de calidade dos nosos areais”. A bandeira de Ponzos, súmase ás de A Fragata-O Pareixal, Caranza, Doniños, Esmelle e San Xurxo.
Con estes seis areais recoñecidos, “Ferrol sitúase nos primeiros postos dos municipios de Galicia con maior número de bandeiras azuis, sendo superado unicamente por Sanxenxo e Vigo”, afirmou.
En canto á prestación do servizo de socorrismo, Rey Varela avanzou que se presentaron preto de 90 solicitudes para 60 prazas, e que esta semana quedará a lista definitiva para pasar á seguinte fase, que son probas de piscina e que se realizarán os días 4 e 5 xuño no complexo deportivo Javier Gómez Noya.
Das 60 prazas convocadas, unha corresponderá ao posto de coordinador/a de praias e nove a coordinadores/as de caseta.
O servizo desenvolverase a xornada completa, con 40 horas semanais distribuídas segundo as necesidades organizativas, incluídos fins de semana e festivos cos descansos regulamentarios correspondentes.
Os/as socorristas e coordinadores/as de caseta prestarán servizo dende mediados de xuño ata o 18 de setembro, mentres que o/a coordinador/a de praias o fará entre o 9 de xuño e o 21 de setembro.
“Ferrol conta con algúns dos mellores areais de Galicia e seguiremos traballando para ofrecer os mellores servizos, co obxectivo de que veciños e visitantes poidan gozar destes espazos naturais con seguridade, comodidade e calidade durante todo o verán”, finalizou o alcalde.
