O delegado salientará o respaldo do Goberno ao tecido industrial galego, con máis de 4.500 M€ mobilizados e comprometerase a seguir apoiándoo “para reforzar a súa posición e impulsar mellor emprego e máis oportunidades”
-
Felicitará ás empresas e persoas recoñecidas e porá en valor o seu compromiso por “quedarse, apostar por Galicia e crecer desde aquí”
-
O delegado do Goberno en Galicia, Pedro Blanco, clausurará esta noite a Gala da Industria e Enerxía de Galicia, que se celebrará en Santiago, e definirá aos enxeñeiros industriais como os motores da innovación en Galicia “ao facer posible un ecosistema empresarial de referencia”.
O delegado salientará o respaldo ao tecido industrial galego por parte do Goberno, que leva mobilizados máis de 4.500 millóns de euros para modernizalo, dixitalizalo e orientalo ás enerxías renovables e á descarbonización. Nesta liña, Pedro Blanco fará fincapé en que o Goberno seguirá apoiándoo, sendo o principal aliado, “para reforzar a súa posición tractora da economía galega e seguir xerando máis emprego e oportunidades en todo o territorio”.
Durante o acto, o delegado felicitará ás compañías premiadas e a José Luis Alonso Mosquera, director de Stellantis Vigo, recoñecido co premio á mellor traxectoria profesional. Nese senso, o delegado reivindicará o compromiso das empresas premiadas por “quedarse, apostar polo territorio e a súa xente e crecer desde aquí”.
