O sinistro produciuse ás 8:30 horas desta mañá dentro do porto comercial de contedores en Vigo.
Xusto o camión envorcou polo lado do condutor, que quedou sen opcións de saída. Por iso, foi necesaria a intervención dos bombeiros da cidade, que extraeron o condutor sen cortar ferros.
Posteriormente, o ferido foi inmobilizado e conducido en padiola ata a ambulancia.
A alerta sobre este accidente chegou ao 112 Galicia mediante o aviso de Urxencias Sanitarias de Galicia-061, que nese intre poñía en marcha unha dotación para atender o doente. Sen embargo, a súa situación, atrapado dentro do vehículo, fixo necesaria a intervención dos bombeiros. Desde o 112, tamén se informou aos axentes da Policía Local e da Garda Civil de Tráfico.
