A Concellería de Promoción Económica, dirixida por Javier Díaz Mosquera, celebrará este sábado, 25 de xullo, a primeira sesión do autocine de verán no aparcadoiro traseiro da Malata, despois de que a proxección prevista inicialmente para o pasado 11 de xullo tivese que ser aprazada por mor das condicións meteorolóxicas.
Nesta primeira cita proxectarase Grease, un dos grandes clásicos do cinema e unha película emblemática para este tipo de iniciativas ao aire libre
O acceso será gratuíto ata completar o aforo. Os vehículos poderán acceder ao aparcadoiro ata 15 minutos antes do inicio da sesión, prevista para as 23.00 horas. A película ten unha duración aproximada de 110 minutos.
A proxección inclúe, ademais, mensaxes informativas e de sensibilización da Asociación Española contra o Cancro, co obxectivo de promover hábitos saudables e contribuír á concienciación social.
A próxima sesión de autocine será o sábado 1 de agosto.
