A Concellaría de Cultura ten aberto ata o 9 de abril o prazo para participar na XXVII edición do Certame Fotográfico Xosé Manuel Eirís, unha cita que cada ano, desde hai xa 28, ten o obxectivo de contribuír á creación artística e a fomentar a divulgación da fotografía. A denominación de Xosé Manuel Eirís para este concurso provén do recoñecemento que o Concello de Carballo e as entidades culturais do municipio queren render a unha persoa vinculada ao mundo cultural e artístico de Galicia, que foi animador cultural de Carballo.
O concurso reparte un total de 3.050 euros en premios:
- 1º premio: 1.500 € e diploma.
- 2º premio: 750 € e diploma, patrocinado pola Fundación Luis Calvo Sanz.
- Premio Especial Carballo á mellor fotografía que faga referencia directa ao municipio de Carballo en calquera dos seus aspectos: 500 € e diploma (as obras presentadas ao Premio Especial Carballo tamén optarán ao resto de premios), patrocinado por Interfilm Carballo.
- O xurado poderá conceder accésits por un importe total de 300€.
Algúns dos aspectos máis salientables das bases son os seguintes:
- Cada autor ou autora poderá presentar un número máximo de tres obras.
- As fotografías realizaranse en branco e negro ou cor, natural ou manipulada, e o tema das obras é libre.
- Os traballos fotográficos que se presenten ao certame deberán ser orixinais e recentes. As fotografías non poderán ter sido presentadas con anterioridade a este concurso nin ter gañado ningún premio noutros concursos ou certames, nin ter sido empregadas con finalidade comercial, nin publicitaria, nin cedidas para uso público.
- As dimensións da obra fotográfica estarán comprendidas entre 25 x 35 cm como mínimo e 40 x 50 cm como máximo. Presentaranse montadas sobre cartón pluma ou soporte similar ríxido (cun grosor mínimo de 3 mm).
- Cada fotografía deberá vir acompañada do soporte informático en formato JPEG ou TIFF da obra presentada.
Podedes consultar as bases íntegras en PDF, tanto en galego como en castelán, máis abaixo nesta mesma nova.
+INFO
Concellaría de Cultura
Pazo da Cultura, Rúa do Pan, s/n
Teléfono: 981 704 300
