O accidente produciuse pasadas as tres da madrugada na Rúa Couto de San Honorato, en Vigo.
Como consecuencia do impacto, os catro ocupantes do turismo resultaron feridos e recibiron asistencia por parte do equipo de Urxencias Sanitarias de Galicia-061, que se desprazou ao lugar dos feitos.
Con todo, cómpre indicar que todos os implicados saíron do coche polos seus propios medios, polo que descartouse ningún tipo de rescate.
A persoa que contactou co 112 para pedir axuda explicou que o turismo no que viaxaban os feridos saíuse da vía e bateu contra outros que estaban estacionados. Engadiu que, dos vehículos aparcados, había ao menos dous con bastantes danos.
Ademais do equipo médico, desde o 112, solicitouse a intervención dos axentes da Policía Local, que xa tiñan unha patrulla en camiño.
