Ao fío das nove desta mañá, o 112 Galicia recibiu unha primeira chamada de aviso sobre un posible accidente laboral nun inmoble aínda en construción. A caída dun traballador motivou a activación dos recursos de emerxencias necesarios como a asistencia sanitaria urxente e a presenza do corpo de seguridade da Policía Local. Tamén dos axentes da Garda Civil, que enviaron unha dotación ao lugar co fin de recoller toda a información relativa a este sinistro no eido laboral.
Co paso dos minutos, o equipo de Urxencias Sanitarias de Galicia-061 confirmou o falecemento do traballador.
