A concelleira de Seguridade e Mobilidade, Pamen Pieltain, desprazouse esta mañá ata praia de Esteiro, en Xove, para participar no acto de entrega das bandeiras azuis en Galicia. Este ano este distintivo de calidade izarase nos areais de A Fragata-O Pareixal, Caranza, Doniños, Esmelle e San Xurxo e Ponzos.
O presidente da Xunta de Galicia, Alfonso Rueda, e a conselleira de Medio Ambiente e Cambio Climático, Ángeles Vázquez, foron os encargados de entregar as bandeiras azuis que ondeará en 118 praias de 38 municipios.
Galicia consolídase un ano máis como a terceira comunidade con máis bandeiras azuis, distintivo que concede a Asociación de educación ambiental e do consumidor (Adeac) e que premia a calidade da auga, accesibilidade e seguridade dos areais
Con estes seis areais recoñecidos, Ferrol sitúase nos primeiros postos dos municipios de Galicia con maior número de bandeiras azuis, sendo superado unicamente por Sanxenxo e Vigo.
