O concelleiro de Servizos e Obras, José Tomé, informou que esta mañá comezaron os traballos de pintado da sinalización horizontal existente nos viais de titularidade municipal da cidade. A primeira actuación estase a levar a cabo nas inmediacións do parque Pablo Iglesias, cumprindo así coas demandas veciñais e da comunidade educativa.
As intervencións levaranse a cabo nos barrios de Esteiro, Caranza, Ferrol Vello, Canido, Ensanche A, Ensanche B, Santa Mariña, San Xoán-Bertón, Catabois e Santa Icía.
O plan contempla a reposición de liñas descontinuas, de bordos, pintado de liñas en zig-zag, liñas de delimitación dos aparcamentos, cebreados, pasos de peóns e isletas. Así mesmo, reporanse as frechas, sinais de stop, ceda o paso, limitación de velocidade, así como das prazas adaptadas.
O Concello de Ferrol destina a estes traballos un total 544.725,27 euros, para seguir avanzando na mellora da seguridade dos peóns e dos condutores.
