A portavoz nacional, Ana Pontón, acompañada pola eurodeputada Ana Miranda, mantén hoxe en Bruxelas unha reunión co vicepresidente da Comisión Europea e responsable de Fondos e Reformas, Raffaelle Fitto, tendo en conta que está en plena negociación o marco financeiro plurianual para 2028-2034, no que Galiza se xoga moito.
Neste sentido, desde o BNG, avanzou Pontón, defende ante a Comisión Europea tres cuestións moi claras a favor de Galiza: Aumentar os fondos destinados a agricultura e a pesca; que non se recorte gasto social para incrementar gasto militar e avanzar avance na xestión descentralizada dos fondos europeos cara as Comunidades autónomas.
“E poñemos isto sobre a mesa, porque estamos ante unha proposta da comisión europea que propón recortes do 25% na política agraria común e de até un 67% de recorte nos fondos para a Pesca. O que sería un mazazo para os dous dos sectores produtivos máis importantes do País”, destaca.
Neste sentido, Pontón considera “incompresible que Rueda diga que lle parece estupendo un recorte nos fondos europos porque é resulta que é un recorte que lle parece asumible. O que debería facer o presidente da Xunta, é reclamar máis fondos para os noso sector agrogandeiro e pesqueiro en lugar de conformarse con recortes”.
“Desde logo, iso é o que o BNG lle vai trasladar hoxe ao comisario de Fondos e Reformas: si a aumentar o orzamento para política agraria común, para a pesca e para protección social. E non a máis gasto militar e a máis centralización nos estados a costa das comunidades autónomas”.
