Os equipos de emerxencia rescataron o corpo sen vida dun home que quedara atrapado nun burato no faiado dunha vivenda en Verea.
Eran as 20:45 horas cando un particular contactou co 112 Galicia para solicitar asistencia sanitaria para un home que podería estar a sufrir unha indisposición na OU-0207, á altura do quilómetro 7, no lugar de Cexo, no concello de Verea.
A partir aí, desde a sala de operacións do 112 Galicia informouse ao Servizo de Urxencias Sanitarias de Galicia-061. Unha vez no punto, os sanitarios confirmaron que a persoa se atopaba nun lugar de difícil acceso e que podería estar falecida, polo que se solicitou a intervención de medios de rescate ao non poder acceder a ela.
Desde o 112 Galicia mobilizáronse entón os efectivos do GES de Celanova, da Garda Civil e de Protección Civil para facilitar o acceso e a recuperación do corpo. Tras a intervención, os equipos de emerxencia confirmaron que foi necesario liberar ao falecido.
