Recentemente xuntouse a Mesa Nacional Galega de Formación, composta pola Federación Galega de Municipios e Provincias (FEGAMP) e polos sindicatos representativos, que aprobou o Plan de Formación Continua para 2026 que vai ser desenvolto pola FEGAMP.
Despois da súa aprobación, hoxe comeza o período de inscrición para optar aos cursos deste Plan de Formación 2026 da FEGAMP, que nesta edición ten previsto formar a preto de dous mil empregados e empregadas das administracións locais. Este período de inscrición rematará o vindeiro 4 de maio, e dende hoxe poderase acceder a toda a información para a inscrición e sobre os contidos dos cursos na web da FEGAMP.
O Plan componse de corenta e dous cursos, un curso máis que en 2025, que se desenvolverán en modalidade presencial, en liña e telepresencial, cun total de mil novecentas corenta e cinco prazas ofertadas, sesenta e cinco máis que en 2025, dirixidas ao persoal das administracións locais galegas (concellos, deputacións, consorcios e mancomunidades).
Entre os contidos dos novos cursos cursos atópanse materias de moita actualidade, como nos cursos “ChatGPT, Gemini, Copilot e otras ferramentas de Intelixencia Artificial”, “Inmigración, diversidade, integración e excluxión: conceptos clave para o traballo coa poboación inmigrante” e “Traballo social no sistema de protección á infancia”.
Ademais, renóvanse contidos moi valorados en anteriores edicións como o procedemento administrativo local e as novedades tras o RD 2023/202, a prevención da violencia dixital (ciberacoso, ciberbullyng, e violencia de xénero dixital), e a aplicación práctica da Intelixencia Artificial na xestión pública local.
A oferta formativa da FEGAMP cada vez conta con máis recoñecemento e valoración, recibindo cada ano máis solicitudes. Na edición de 2025 foron tres mil douscentas seis solicitudes as recibidas para as mil oitecentas oitenta prazas ofertadas.
Coa a formación prevista para 2026, a FEGAMP sumará case seiscentos cincuenta cursos realizados dende 2008, e ata agora suma máis de vinte tres mil cincocentos participantes.
Deste xeito e ano tras ano, a FEGAMP reforza o seu compromiso na mellora das capacidades profesionais do persoal dos concellos, deputacións, mancomunidades e consorcios.
