Contra as 4:15 horas, un particular chamou ao 112 Galicia solicitando asistencia sanitaria para un motorista que acababa de chocar contra outro vehículo no quilómetro 9 da OU-101, en Solbeira (Paderne de Allariz).
De inmediato, os xestores do Centro Integrado de Atención ás Emerxencias activaron un operativo no que participaron Urxencias Sanitarias de Galicia-061, a Garda Civil de Tráfico, o GES do Pereiro de Aguiar e os servizos de mantemento da estrada.
Unha vez no punto, os servizos de emerxencias confirmaron que o ferido estaba en estado grave. Foi finalmente evacuado en ambulancia ao Complexo Hospitalario Universitario de Ourense.
