A Xunta de Goberno Local do Concello de Ourense aprobou 29 acordos na súa sesión ordinaria desta semana, que se desenvolveu a mediodía de hoxe no salón de plenos.
Licenzas (6). Concedeu as licenzas para reformar unha vivenda unifamiliar na rúa Cima da Vila (Oira); para adaptar un baixo na Avenida da Universidade; para o proxecto modificado de execución dunha vivenda unifamiliar no Camiño de Zaís; e para reformar e adaptar a vivenda e almacén un baixo na rúa Araceli Ancoechea. Tamén acordou desestimar un recurso contra un acordo dunha sesión anterior e declarar que non é necesaria unha licenza para segregar unha parcela na rúa Marcelo Macías.
Contratación (2). Aprobou o expediente para contratar as obras do proxecto de demolición do centro de recursos ambientais de Galicia, en Eirasvedras (Canedo), financiado integramente polo Ministerio para a Transición Ecolóxica e o Reto Demográfico do Goberno de España, cun orzamento base de licitación de 635.842,03 €. Rectificou un erro material nun acordo dunha sesión anterior e retirou da orde do día, para mellor estudo, o expediente para a contratación mixta da subministración en réxime de alugueiro e o mantemento integral de varios equipos de impresión.
Xestión económica e orzamentaria (2). Aprobou dúas relacións de facturas correspondentes a gastos realizados no exercicio 2025 que non puideron seguir a tramitación ordinaria para a súa aprobación no dito exercicio.
Asuntos sociais (1). Deu o visto e prace a unha modificación do Plan Estratéxico de Subvencións desta Concellería para o período 2025/2027.
Educación (1). Aprobou as bases e a convocatoria do Certame Internacional de Cinema Escolar, OUFF Escolar 2026.
Avogacía consistorial (17): Deu conta de diferentes resolucións xudiciais: 4 sentenzas (3 do Tribunal de Instancia da Sección de Instruccion da Praza numero 1 de Ourense e outra do Superior de Xustiza de Galicia); e dun auto e dun decreto ditados polo Tribunal de Instancia da Sección do Contencioso-Administrativo Praza número 2 de Ourense. Tamén deu conta de que o Concello foi emprazado para comparecer diante dos tribunais do contencioso-administrativo de Ourense en 11 procedementos abreviados.
