O suceso produciuse arredor das 18:00 horas na praia da Lapa, na parroquia de Noalla. Segundo informou o 112 Galicia, a alerta foi recibida a través de Urxencias Sanitarias de Galicia-061, despois de que os socorristas sacasen da auga á vítima en estado inconsciente e iniciasen de inmediato as manobras de reanimación sobre a area.
Finalmente, a muller foi trasladada polos servizos sanitarios ao Hospital de Montecelo. No operativo tamén participaron efectivos da Garda Civil e da Policía Local de Sanxenxo.
