O alcalde de Ourense, Gonzalo Pérez Jácome, e o concelleiro de Deportes, Aníbal Pereira, recibiron esta mañá no salón de plenos ás integrantes do equipo Máster Feminino de Atletismo do Club Deportivo A Purísima para recoñecer os seus logros deportivos tras pechar unha tempada histórica.
O conxunto ourensán conseguiu por primeira vez a clasificación para os Campionatos Nacionais de Segunda División Máster, conseguindo o 4º no Campeonato de España de Clubes Máster Segunda División, un logro de ámbito 100% local, xa que todas as atletas residen na cidade ou na provincia de Ourense.
O Club Deportivo A Purísima aglutina a un total de 556 deportistas repartidos en varias disciplinas (atletismo, atletismo adaptado, fútbol e montaña).
