O alcalde de Ferrol, José Manuel Rey Varela, xunto á corporación municipal, gardou esta mañá un minuto de silencio pola última vítima de violencia de xénero.
Trátase dunha muller de 88 anos presuntamente asasinada polo seu cónxuxe en Madrid o 11 de setembro.
Coa confirmación destes casos, o número de mulleres asasinadas por violencia de xénero ascende a 37 en 2026 e a 1.378 desde 2003, cando se empezaron a recompilar estes datos.
Todas aquelas vítimas de violencia de xénero poden recibir axuda a través do teléfono 016, mediante consultas en liña a través do enderezo electrónico 016-online@igualdad.gob.es; da canle de WhatsApp no número 600 000 016 e do chat en liña, accesible desde a páxina web www.violenciagenero.igualdad.gob.es/
