A concelleira de Educación e Universidade, Patricia Cons, revelou hoxe que a pregoeira da 37 º edición da Feira do Libro de Ferrol 2026 será a mestra de música e escritora Cristina Otero Correa, a quen agradece que aceptase este cometido.
Otero Correa é docente de música, especialista en Educación para a Xustiza Global e Cooperación Internacional. A súa actividade docente sempre estivo acompañada da música, xa que tamén é clarinetista de formación. Xanelas ao mundo é o seu primeiro libro de literatura infantil, unha obra que nace da experiencia en diferentes contextos educativos. Na actualidade, combina a súa profesión como mestra de música no Ceip Ángela Ruíz Robles, coa literaria e investigadora traballando, na súa tese doutoral na UDC.
A lectura do pregón terá lugar o xoves 23 ás 12:30 horas na praza da Constitución, e darase paso así á inauguración desta nova edición da feira, que permanecerá aberta ata o domingo 26, e coa que se inaugura tamén o calendario da feira do libro en Galicia.
Entre as actividades programadas para os máis pequenos hai obradoiros como o de Pokemon para nenos e nenas (día 23 ás 18.30h) e Xogamos co porquiño San Martiño (día 26 ás 12.30h); teatro infantil con pezas como Alicia de Pedras de cartón (venres 24 ás 17.00h) e Contos de lobo de Ghazafelhos (día 26 ás 17.30h); o contacontos musical Oto o xigante comenubes que representará 2plicas teatro musical (día 25 ás 17.00h) e a presentación musical do libro Xanelas ao mundo de Cristina Otero (día 26 ás 11.45h).
A programación da feira completáse con outras actividades como conversa arredor de Begoña ou o pracer da amizade de Beatriz Maceda con María Nieto (día 24 ás 18.30h); conversa sobre Sanar a memoria con Abril Camino, Olaia Sendón e María Nieto (día 24 ás 19.30h); lectura homenaxe a Otero Pedrayo (día 25 ás 12.00h); A experiencia de crear manga no panorama nacional con Fidel de Tovar e Dani Bermúdez (día 25 ás 18.30h) e presentación da tradución versificada en galego de Medea e Fedra de Séneca, dialogarán Fernando Domènech e Carmen Lema (domingo 26 ás 18.30h).
Durante os catro días haberá tamén firmas de libros nas diferentes casetas a cargo dos escritores Mayte Corbillón, Alba Formoso, Abel Alves, Marta Villar, Isabel Breijo, Paula Merlán, Micaela Barteito, Silvia Salgado, María Gil Molino, Jordy Cicely, Lola López, Julio Río, Natalia Corbillón, Roger Cagiao, Francisco Narla, Nerea Gómez e Xosé Manuel Varela, Teresa Cameselle, José Manuel Legazpi, Juan Galán, Ana Meilán, Miguel Fernández e Henrique Dacosta.
Nesta edición da Feira do libro de Ferrol participarán oito librarías e dúas editoriais. Nas xornadas do xoves ao sábado a feira permanecerá aberta de 11:00 a 14:00 horas e de 17:00 a 21:00 horas, e o domingo de 11:00 a 14:00 horas e de 17:00 a 20:00 horas.
A Feria do Libro está organizada pola Federación Librarías de Galicia e colabora o Concello de Ferrol.
