O accidente produciuse na entrada do pobo de Vilasouto (O Incio), ao fío das 14:45 horas da tarde. Nese momento, o 112 Galicia tivo constancia dos feitos a través de Urxencias Sanitarias de Galicia-061, tralo que se alertou á Garda Civil de Tráfico e aos voluntarios de Protección Civil do Incio.
Urxencias Sanitarias de Galicia-061 mobilizou ata o lugar o helicóptero medicalizado con base en Ourense, que se encargou do traslado dun dos feridos. O outro foi evacuado en ambulancia ao centro hospitalario de referencia.
