A Axencia Estatal de Meteoroloxía informa dunha alerta laranxa por chuvias en curso no noroeste de Ourense que permanecerá activa ata esta noite, así como un aviso amarelo por choivas e treboadas en Ourense (Miño, sur e montaña) e sur de Lugo.
Para mañá luns, o aviso amarelo por choivas e treboadas estenderase a toda a provincia de Ourense e ao sur e á montaña de Lugo, desde primeiras horas da tarde.
As chuvias poden ser intensas (máis de 15 litros por metro cadrado nunha hora), con sarabia e refachos fortes de vento. Recoméndase extremar a precaución.
