O accidente ocorreu uns 10 minutos antes das 10:00 horas. Segundo a información recollida polo 112 Galicia, a un traballador caéralle unha árbore enriba na Lamosa, no lugar de Corzós.
Rapidamente, desde o CIAE 112 Galicia informouse aos Bombeiros de Ponteareas, á Garda Civil e á Agrupación de Voluntarios de Protección Civil de Oitaven-Tea. Tamén se mobilizou persoal do Servizo de Urxencias Sanitarias de Galicia-061, que xa tiñan constancia do suceso.
Unha vez no punto, os servizos de emerxencia só puideron confirmar o falecemento da persoa.
