Os Bombeiros da Coruña encargáronse do rescate do corpo dun home que apareceu aboiando na auga no porto da Coruña, na zona do Clube Náutico.
Desde o 112 Galicia informouse a Salvamento Marítimo, Servizo de Gardacostas de Galicia, Policía Nacional (que xa se atopaba no lugar), Garda Civil, Autoridade Portuaria da Coruña, Bombeiros, Policía Local e voluntarios de Protección Civil da localidade.
O 112 Galicia tivo aviso deste suceso contra as 5:40 horas desta mañá.
