O incendio aconteceu uns dez minutos antes das 10:00 horas. Segundo indicou un particular ao 112 Galicia, estaba ardendo unha nave de gando bovino en Louteiro, na parroquia da Veiga de Logares. Nese intre non constaban persoas nin animais afectados.
Con esta información, os xestores do 112 Galicia informaron aos Bombeiros de Barreiros, ao GES da Pontenova, á Garda Civil e á Agrupación de Voluntarios de Protección Civil da Fonsagrada.
A dotación de bombeiros non chegou ata o punto, pois os membros do GES indicaron que se atopaba controlado o incendio. O lume, xa sufocado, chegou a afectar a uns rolos de palla, á propia nave e a algúns animais. Ademais, foi preciso informar ao Servizo de Urxencias Sanitarias de Galicia-061, pois unha persoa sufrira queimaduras nas mans, polo que foi trasladada.
