Un suceso ocorrido a primeira hora da mañá mobilizou os servizos de emerxencia en Bertamiráns, logo de que unha muller fose alcanzada por un vehículo na rúa Alcalde Lorenzo.
Ata o punto do accidente desprazáronse efectivos do Grupo de Emerxencias de Brión e da Policía Local de Ames, que se encargaron de regular o tráfico e facilitar a intervención sanitaria. A ferida foi atendida no propio lugar dos feitos e trasladada posteriormente nunha ambulancia do 061 a un centro hospitalario.
As causas do atropelo están a ser analizadas polas autoridades competentes.
