O 112 Galicia tivo constancia esta madrugada, minutos antes das 1:30 horas, dun incendio nun edificio abandonado situado na rúa da Baixada do Outeiro, en Ourense. Foi un particular quen explicou que se trataba dun inmoble de varias alturas e as rúas máis próximas estaban cheas de fume. Non se rexistraron danos persoais e, nestes momentos, os bombeiros da localidade continúan traballando no lugar para extinguir o incendio, que está xa controlado e que calcinou por completo a parte principal do edificio.
Neste operativo traballan os Bombeiros e os axentes da Policía Nacional e Local de Ourense.
