O 112 Galicia recibiu o aviso ás 15:20 horas a través do sistema de emerxencia dun teléfono móbil, que contactou automaticamente co Centro Integrado de Atención ás Emerxencias. Os xestores lograron comunicarse co propietario do dispositivo, quen informou de que acababan de sufrir un accidente no que se viran implicados tres vehículos e no que había varias persoas feridas.
De inmediato, desde o 112 Galicia solicitouse a intervención do Servizo de Urxencias Sanitarias de Galicia-061, da Garda Civil de Tráfico, da Policía Local e do GES de Mos.
Segundo informou posteriormente o persoal sanitario, cinco persoas resultaron feridas no accidente. Dúas delas foron atendidas no propio lugar do sinistro, mentres que as outras tres tiveron que ser trasladadas a diferentes centros hospitalarios.
