Madrid, 24 de xaneiro de 2026. O Concello de Melide, a través de Xosé Igrexas, tenente de alcalde, presenta o cartel da 34 Festa do melindre e a repostaría tradicional na Feira Internacional de Turismo en Madrid.
Nesta viaxe a FITUR Igrexas promocionou a festividade máis doce de Galicia para darlle unha maior visibilidade a nivel nacional e internacional, así como atraer a posibles visitantes ao centro de Galicia.
“Traer a presentación do cartel da Festa do melindre e a repostaría tradicional a FITUR deixa claro o forte compromiso que temos dende o Concello coa nosa gastronomía, con crear un turismo sostible no que Melide sexa un gran atractivo, especialmente os días 9 e 10 de maior”.
A Festa do melindre a repostaría tradicional da Terra de Melide foi declarada de Interese Turístico Galego no 2013 e converteuse, co paso dos anos, nunha gran atractivo para visitar a localidade durante a segunda fin de semana de maio.
Ademais, como complemento a esta presentación o presidente da Asociación Terra Doce, Alberto Rodríguez, fixo unha actividade de promoción na EFA A Cancela (As Neves) entre o alumnado de repostaría para poñer en valor os ricos, amendoados e melindres.
Outro dos temas que o concelleiro de Turismo levou a FITUR foi a promoción dos domingos de Melide que son “unha sinal de identidade da localidade que se deben poñer en valor e darlle visibilidade a un nivel nacional em internacional”, destaca Xosé Igrexas.
