Pouco antes das catro desta tarde, o 112 Galicia recibiu varios avisos por un choque entre un turismo e unha furgoneta na N-120, en Vilanuíde, Quiroga.
Como consecuencia do impacto, os ocupantes de ambos os dous vehículos quedaron atrapados e mesmo necesitaron a axuda dos bombeiros para saír. No turismo ían cinco persoas, mentres que na furgoneta só unha. Sen embargo, todas necesitaron asistencia médica e axuda dos equipos de rescate.
En total, os profesionais de Urxencias Sanitarias de Galicia-061 atenderon ás seis persoas, entre elas, dous menores.
A maiores do equipo médico, ao lugar dos feitos acudiron os Bombeiros de Valdeorras e membros do GES, así como os axentes da Garda Civil de Tráfico.
