Con todo, foi atendido polo equipo de Urxencias Sanitarias de Galicia-061 por mor das diversas lesións sufridas polo golpe.
Eran preto das oito desta mañá cando o 112 Galicia recibiu o aviso sobre o envorco dun camión que transportaba porcos vivos na N-525, á altura de Piñeira de Arcos, Sandiás.
O golpe deixou o condutor ferido e unha parte dos animais tirados na vía. Outros porcos, pola contra, quedaron atrapados dentro do vehículo á agarda do seu rescate.
Precisamente, esa é a tarefa na que se centraron os efectivos do parque comarcal de Xinzo despois de comprobar o estado do condutor, que saíu do camión polos seus propios medios.
En canto aos animais que caeron á vía tras o envorco, foron encarreirados cara a unha leira mentres se tramita a súa recollida.
Cómpre indicar que este operativo completouse coa colaboración dos axentes da Garda Civil de Tráfico.
