Un particular informou ao 112 Galicia do choque dun turismo contra o muro dunha casa no quilómetro 31 da AC-305, á altura de Posmarcos. Eran as 1:20 horas da madrugada, e no interior do vehículo había unha persoa posiblemente atrapada.
Decontado, alertouse a Urxencias Sanitarias de Galicia-061, Garda Civil de Tráfico, Bombeiros de Boiro e Ribeira, voluntarios de Protección Civil da Pobra do Caramiñal e aos servizos de mantemento da estrada.
Os profesionais sanitarios practicáronlle manobras de reanimación no lugar dos feitos, mais finalmente só puideron confirmar o seu falecemento.
Persoa ferida tras envorcar un coche en Muxía
Este accidente ocorreu no lugar dos Castelos, en Moraime.
Foi un particular quen alertou ao 112 Galicia dez minutos antes da medianoite, e explicou que un coche se saíra da vía e envorcara contra un piñeiro. No interior había unha persoa ferida.
No operativo participaron os servizos sanitarios, a Garda Civil de Tráfico, os Bombeiros de Cee e a Agrupación de Voluntarios de Protección Civil de Muxía.
O ferido foi finalmente evacuado en ambulancia ao hospital.
