O alcalde de Ferrol, José Manuel Rey Varela, presidiu esta mañá a toma de posesión de 23 auxiliares administrativos. “Trátase da maior incorporación de administrativos en moitos anos”, confirmou.
Este novo persoal, dos que 20 son mulleres e tres homes, desenvolverá o seu traballo nas áreas de Contabilidade; Turismo, Patrimonio Histórico e Desenvolvemento Local; Política Social; Fomento, Emprego e Promoción Económica; Muller e Familia; Prevención de riscos laborais; Obras; Medio Ambiente, Seguridade; Licenzas; Asesoría Xurídica; Estatística e Novas Tecnoloxías.
Rev Varela afirmou que con estas novas incorporacións, “seguimos avanzando noso obxectivo da reorganización interna”, que ten un dobre obxectivo “mellorar a prestación do servizo público do día a día do veciño, incorporando persoal en servizos clave”. E tamén mellorar a organización diaria do traballador municipal, aclarando as súas competencias e responsabilidades, evitando duplicidades e solapamentos de funcións, axilizando os procedementos administrativos e favorecendo unha xestión máis eficiente, coordinada e transparente dos recursos públicos.
Grazas a contar con orzamentos aprobados cada ano, este Goberno leva xa catro, é posible convocar de maneira inmediata ata catro OPEs, segundo afirmou o rexedor. A aprobación da OPE 2026 o pasado mes permitiu ao Goberno local anticiparse e así reforzar e ampliar o cadro de persoal municipal.
A Oferta de Emprego Público de 2026 inclúe unha desagregación entre persoal funcionario de novo ingreso, con 24 prazas, e persoal funcionario en promoción interna, con 69 prazas.
