Pouco despois das 4:45 horas da madrugada, un particular informou ao 112 Galicia dun grave accidente dun camión de lona rexistrado entre os quilómetros 264 e 265 da A-52 en sentido Madrid, ao seu paso polo municipio ourensán de Melón. O vehículo fixera a tesoira e a cabina quedou suspendida sobre o baleiro. Naquel momento, os alertadores non conseguían localizar ao condutor e temían que puidese precipitarse desde gran altura. Pouco despois, isto foi confirmado polos servizos de emerxencias.
De inmediato, desde o 112 Galicia activouse un operativo no que participaron Urxencias Sanitarias de Galicia-061, os Bombeiros do Carballiño, o GES de Ribadavia, a Garda Civil de Tráfico, a Garda Civil e os servizos de mantemento da estrada.
Os efectivos do GES colaboraron cos bombeiros nas tarefas de rescate do o corpo sen vida do camioneiro, localizado nunha zona de difícil acceso.
O tráfico permanece cortado no punto mentres se desenvolven os labores de retirada do vehículo e limpeza da vía.
